تاااااااااج زى الفللللللللللل

السلام عليكم ورحمه الله وبركاته
قبل ما ابدأ بهذا التاج الجميل
اود ان اعتذر عن طول غيابى لأن
توجد ظروف طارئة وشاهقة جدا عليا حدثت مؤخرا
ادعولى بإنى اعدى الظروف دى
نيجى بقى مع التاج الحلو ده

التاج الحلو ده وصلنى من البلوج الجميل ( اجمل أيامنا )
خاصة من -- أختكم فى الله --
وبصراحة جابتلى اسئلة يعنى صعبة شوية
بس ربنا يسهلها

أذكـــــــــر ستة أسرار قد لا يكتشفها من يقابلك لأول مره!!!؟
بصراحة هما كتير بس محتار اقول ايه ولا ايه
1- انى كتوم جدا على اسرار الغير
2- انى لا اغضب بسهولة ولا اغضب من اى حد
يعنى انا احيانا بضايق بس فى الآخر ولا كأن حاجة حصلت من اللى حاول يزعلنى
ودى القليل اللى بيكتشفها لأن ما فيش حد بيحاول يزعلنى خالص
3- انى بحب مساعدة الناس جدا
4- وهى دى الأهم
انى رومانسى جداااااااااااااااااااااااااااااااا
وبلاش اقول إلى ابعد الحدود
لأن فى ناس قالولى من الجنسين ( يابخت اللى هتجوزك ) ههههههه
لسه لغاية الآن مش عارف معنى الجمله دى ايهههههههههههه
5- أمين جدا على حاجه الناس اكتر من حاجتى
يعنى حاجة تضيع منى مش مشكلة بس حاجة واحد جابهالى
مش ممكن تضيع إلا على رقبتى
6- والأخيره دى بقى بصراحة واحد قالهالى
بعد عشرة 3 سنين
انى قلبى وعقلى اكبر من سنى بكتييييييييير

سبع حاجات نفسك تعملهم!!!
هما بصراحة كتير بس هاقول على قد مااقدر
1- نفسى اعمل عمرة قبل ما اختار شريكة حياتى
وتبقى مبالغة منى شوية ياريت تبقى حجة علشان ابقى مستريح قبل ما اموت
2- نفسى افرح والدتى بأى شكل من الأشكال لأنها زعلت كتير قوى
3- نفسى اساعد الفقراء والمساكين لدرجة
انى مش عاوز اشوف ولا فقير ولا مسكين محتاج اى حاجة
4- نفسى اشتغل فى شركة برمجيات محترمة
وابقى مبرمج عالمى
5- نفسى احضر الماجستير والدكتوراه من اليابان
بس دى اناعارف انها صعبة شوية
6- نفسى اعدى من السنة دى سنة رابعة وانا ماعنديش لا سكرولا ضغط هههههههه
وكمان يعنى مش طماع بتقدير جيد بس
7- نفسى ارضى المولى عز وجل بأى حاجة علشان ادخل جنته
اللهم اجعلنا من اهل الجنه -- ءاااامين

سبع حاجات معرفتش تعملهم!!!
1- انى لغاية الآن معرفتش افرح والدتى الفرحة اللى هيا نفسها فيها
2- الوحدة هى الحاجة الوحيدة اللى ما عرفتش اغيرها
بحب ابقى لوحدى قوى
3- فشلت فى انى ابطل المشى الكتير
انا على الأقل فى المشى بمشى حوالى 6 - 8 كيلو احيانا فى الليلة او اليوم


سبع حاجات دايما بتقولهم !!!؟
1- خاصة بقولها كتير لزمايلى
ربنا يوفقك
2- عفوك ورضاك يارب
3- اللهم صلى على محمد وعلى آل وصحبه وسلم
4- فى رعاية الله
5- سبحان اللهم ربنا وبحمدك أشهد أنلا إله إلا أنت أستغفرك وانوب إليك
6-بسم الله الرحمن الرحيم لما حاجة بتحصلى فجأة واتخض منها
7- لا حول ولا قوة إلا بالله العلى العظيم

سبع مشكلات فى حياتك ممكن تحلهم بالفلوس!!!
1- الحج او عمرة نفسى فيهم قوى
2- مشروع العمر شقة محترمة تليق بزوجتى وتريحها ( مستقبلا )
2- سيارة اسكودا اوكتايفيا ايه فايفSkoda Octavia A5( بصراحة نفسى فيها موت )
كفاية اوى عليا الحاجات دى انا مش طماااااااااااااااااع ههههههههه

سبع أماكن بتحبها!!!
1- المسجد الحرام
2- المسجد النبوى الشريف
3- مسجد ابو بكر الصديق بالمنصورة
4- ومسجد السلاب ايضا بالمنصورة
5- حديقة جامعة المنصورة
6- كورنيش النيل اللى فى دمياط

سبع أشخاص بحبهم غير بابا وماما واخواتى!!!
هما مش سبعة -- هما كتير
اولهم اقاربى
وبعدين اصحابى وزملائى اللى فى الكلية
وشريكة حياتى ( اللى لسه ما اختارتهاش - مستقبلا يعنى )

سبع مدونات بتحب تقرالهم!!!
جميع المدونات اللى بدخلها بحب اقرأها

كفايه قوى كده
انا عارف طولت قوىىىىىىى فى الإجابات
بس اعمل ايه
اسئلة محتاجه اجابات كتير بس ده المختصر جداااااااا
باعتذر للمرة التانية عن
التطويل فى الإجابة
والغياب الطويل عن المدونه

واخر حاجه بقى
انا بهدى التاج ده لكل واحد
يدخل المدونه دى ويقرأ الأسئلة دى
طبعا اكيد ما فيش حد هيدخل
هههههههههههههههههههه
سلالالالالالالالالالالالالام للجميع
فى رعاية الله